كلمات اغنية  ليّا و ليّا

ليّا وليّا وهي يا ليّا ... هِيّة جَفرا فلسطينية 
هِيّة إم الثوب مْطَرّز ... يا شالا أحلى كُوفيّة 

ليّا غِنّية سمعناها ... مِن صُغرنا وردّدناها
يِمضي العُمر وما بننساها .. ليلى ليلى اليافاويّة

ليلى بِنت الشَط وسِحرو... ليلى نِجمة وَطني وبدرو
هيّة رُوح البَحر وسِرّو ... بِعيوني أجمَل حُوريّة

ياما عَن أرضي تحكيلي ... و ان مَالت يا سَنابِل مِيلي
أغفى على صوتا تغنّيلي ... و اصحى عَلى وجه الجُوريّة 

سَامِر مَنصوب بعينيها ... كُل الحُب تشوفو فيها 
جَفرا ودَلعونة تغنّيها ... و رجال تردّد دِحّيّة

من البوم قصص عن فلسطين كلمات : سامي عفانه ألحان : محمد المدلل توزيع وهندسة صوتية : محمد خيره ماسترينج : محمود عمار إشراف عام : أنس النجار