تقييم مسلسل لعبة نيوتن

يبدأ المسلسل بقصة واقعية، وهي محاولة الإنجاب في الولايات المتحدة لينال المولود الجنسية الأمريكية، وما يعانيه الأبوان من مشقة في سبيل ذلك، ولكن للأسف يتحول المسلسل فجأة لصراع بين زوجين على منى زكي، الأول هو طليقها والثاني هو محامي ناجح ثري في الولايات المتحدة ولديه زوجة في غاية الجمال، ومع ذلك يدخل في صراع من أجل منى زكي، الصراع كان غير منطقي على الإطلاق، ناهيكم عن محاولة تسخيف وهدم لثوابتنا كشعب متدين وله عادات وتقاليد.. لا أنصح بمشاهدته لأنه بالمختصر عبارة عن مقلب ستكتشفون أنكم أضعتم وقتكم على قصة غير منطقية، والسؤال الذي يطرح نفسه.. هل هذا المسلسل والعديد غيره هو استخفاف بعقول المشاهدين أم هذا هو المستوى الفكري للكاتب والمخرج والممثلين؟؟!

مسلسل لعبة نيوتن يهدف الى تخريب القيم والعادات العربية الاصيلة؛ لا انصح بمتابعة هذا المسلسل اطلاقا .. حتى لا تدخل هذه الافكار على مجتماعتنا العربية وتقوم بتخريب اجيال قادمة .. بشدة لا انصحكم بمتابعة هذا المسلسل السيء

- البوست اللي فات اتمسح غلط ‎تحذير بالحرق* ‎بدر شبه امينة بانها "ملكة النحل" ، المعروف عن رمز ملكة النحل انها لما بتقيم علاقة مع اي راجل بيموت، و شوفنا من كام حلقة مشهد لظابط بيدور على "هل النحل يقدر يقتل بني ادم" و دة معناة ان ممكن شاهين يكون مماتش من النحل و يكون كان بيقيم علاقة مع امينة وبدر هو اللي قتلة . ‎مع تقدم الاحداث بنبدأ نشوف حازم اللي بيتحول لشاهين تدريجيا . بناء موت شاهين كان عظيم جدا ، في الاول لما شوفنا في اول الحلقة سيد رجب بيدفن حد مش باين غير الجزمة بتاعتة و بعدين بنشوف في اخر الحلقة اللي بعديها شاهين لما بيروح المنحل بيحط رجلة على المكتب كعلامة انة هيموت في المشهد دة . ‎و هما بيلعبوا شطرنج ، سيد رجب بيقول لممدوح اكلت الوزير بتاعي ، ميهمكش هرقي العسكري و يبقى وزير و بعدين في مشهد تاني كان بيقول "حكمة ربنا ثمرة تموت علشان ثمرة تانية تعيش في ابهى صورة" ‎رسم العلاقة بين حازم و هنا عظيم جدا ‎حازم شخصية فاشلة في حياتها ، اخوه احسن منة ، بيدير مشروع المسؤولة عنة مراتة ، ابوة بيضغط علية و بيتهمة انة مش مسؤول، شخصيتة ضعيفة، مفيش حاجة بيتحكم فيها في حياتة غير مراتة و المرة اللي خلاها تسوق العربية كانت بعد ما قالها انة اترفد من الشغل ‎و هنا شخصية عنيدة مصممة انها تثبت نفسها. بنشوف في كل flashback ازاي العلاقة دي كانت بتتحرك لما كانوا مع بعض زي مشهد العربية ، هنا بتعند فبتقدر تقنع العسكري ميكلبشش العربية و حازم فشل انة يقنع المدير انة يسيب العسل يتباع في السوبرماركت لكن في توازن في العلاقة لأنهم كانوا بيكملوا النقص اللي عند كل واحد فيهم زي قانون نيوتن الاول" الجسم الساكن يبقى ساكناً، والجسم المتحرك يبقى متحركاً، ما لم تُؤثِّر عليه قوى ما» و لكن لما هنا سافرت بدأ الصراع في ان الاتنين عايزين يثبتوا انهم صح و مع الاحداث اللي بتحصل في العالمين شخصيته بتتغير و بتبقى اكثر حدة في رد الفعل زي قانون نيوتن التالت «لكل فعل رد فعل مساو له في المقدار ومضاد له في الاتجاه» زي ما قال تامر محسن عن سبب اختيار الاسم و في فيلم i’m thinking of ending things ل استخدموه التشبية دة بين العلاقات و قوانين نيوتن على لسان البطلة "يبقى الناس في علاقات غير صحية لأنها أسهل. الفيزياء الأساسية. الكائن المتحرك يميل إلى البقاء في حالة حركة. يميل الناس إلى البقاء في العلاقات بعد تاريخ انتهاء صلاحيتها. إنه قانون نيوتن الأول " ,مع تطور الاحداث بنتأكد ان فكرة السفر كانت غلط و دة بينوه في اول حلقة لما مكنة الطباعة عطلت هو بيطبع ورق السفر ، كمان فية استخدام لرموز طول المسلسل زي الكلاب اللي بترمز لخوف هنا و عدم ثقتها بنفسها اللي بيقل بالتدريج و زنة النحل اللي بتيجي لممدوح لما بيعمل حاجة غلط زي صوت الضمير و هو بيتجاهلة و بيقل مع الوقت، الاغنية اللي كانت في عربية بدر "يا حبيبي تعالى الحقني شوف اللي جرالي " ‎شخصية مؤنس كذلك مرسومة كويس جدا، ، هو عارف انة بيعمل حاجة غلط بس مش عايز حد يقول لة انة غلطان، بيستخدم كلام الدين بشكل غلط علشان يبرر غلطة قدام الناس ، بيحب حكم السيطرة و التحكم بس خبيث و قادر يقنع اللي قدامة باللي هو عايزة و في نفس الوقت عندة تأنيب ضمير تجاه دة ، مابيحبش زي علشان مش قادر يسيطر علية، في المشهد اللي بيروح لة شقتة وضح دة ، في الاول لما بيحاول يسيطر علية في شكل نصيحة و بعدين رياكشن محمد فراج بيتحول لوحش و بيهددة انة يسحب منة الجنسية - Newton's law of universal gravitation - Cinematology - The end of ending things

- انتي مش عايزة تتجوزيه ليه؟ = أتجوز مين؟ ده جوزك، انا مجتش هنا عشان أخطف جوزك منك وانتي فتحتيلي بيتك بجد كنتي كويسة معايا وكنتي زي عيلتي ومقدرش أعمل فيكي كدا أبدًا .. أقسم بالله مكنتش أعرف إن عِدتي خلصت. - ده حلال ربنا. = أنا مش بتكلم عن الحلال والحرام انا بتكلم على إنه جوزك. - وده حقه. = وحقك انتي؟ - أنا موافقة. = بس أنا مش موافقة - ليه يا هنا؟ .. مؤنس بيحبك بيحبك أكتر مني كمان، أنا عمري ما شوفته بيتهاون في قناعاته غير عشانك، لو هترفضي عشان حازم مش هقدر أقولك حاجة بس لو عشاني أرجوكي وافقي .. انتي فاكرة لو مشيتي احنا هنبقى أسعد؟ مانتي مشيتي شهرين مكنش طايق نفسه ولا طايقني .. انا عارفة مؤنس كويس، لو مشيتي مش هينساكي يا هنا، ده قضاء ربنا زي ما وجودك في حياتنا ورجوعك قضائه .. من فضلك يا هنا اقبلي 🙂

مسلسل لعبه نيوتن بيحاول يهدم القيم المجتمعية والأسرية اللي اتربينا عليها ، وبيشجع حركات الفيمنست وافكارهم انها تتغلب على اصول ثابته في المجتمع ، لان زي ما واضح غلطات كبيره من هنا ملهاش مبرر زي انها تقعد مع واحد غريب وترفض ترجع البلد ، وتسمي الولد باسم راجل تاني ..

“لعبة نيوتن”، دراما ممتعة حتى الآن تكشف الكثير من التحول في صناعة الدراما العربية وتؤكد على أهمية المخرج وقدرته على إدارة فريق ممثليه، وبراعته في خلق أجواء وحالات جديدة في كل موقف وحلقة دون ابتذال او مبالغة فيما يخدم المشهد كاملا والشخصية نفسها.