تقييم فيلم The Platform

"The platform" المنصة ♥ فيلم اسباني إنتاج 2019 بيستحق المُشاهدة والتفكير والوقوف عنده كتير، الفيلم معروض بطريقة فلسفية صادمة ومؤذية نفسياً نوعاً ما ، اعتقد حاجات كَتير هتتغير جواك بعد ما تشوفه ،نظرتك للحياةِ نفسها بعد كدا هتختلف .. الفيلم مليان اسقاطات اولها "الحفرة او السجن" اللي بترمز للوطن ،الوطن اللي بيصبح كسجن لمواطنيه في منهم اللي مجبور يقعد فيه "زى اللي ارتكبوا جريمة ودخلوا الحفرة كعقاب ليهم" ،ومنهم الشباب الساذج اللي فضل انه يبقي في الوطن دا لخدمته ،وبعدين يكتشف انه سجن "بطل الفيلم اللي دخل الحفرة برجليه علشان يمتنع عن التدخين" ، اسقاط الست بتاعه الإدارة والكلب اللي معاها "بترمز للطبقه المرفهه واللي بتفضل تأكل الكلاب ع انها تأكل المحتاجين اللي في الطبقات الأقل" ، الراجل العجوز "الموسوس الكبير اللي عرفوا يقتحموا افكاره ،ويهزموه بمرور عمره باسلوب الترهيب والتخويف،، واللي كان بيوسوس لبطل الفيلم علشان يبقي زيه ومصر انه يبقي زيه علشان ميحسش انه هو اللي كان غلط" بيرمز لحاجة زى حزب الكنبة عندنا وجيل النكسة :')) واختار السكينه كنوع من الحماية لكون ان الحزب دا عايش في رعب وخوف من زمان ،، لدرجة ان اي مبرر لأي جريمة كان بيرتكبها كان "الخوف"! "الرجل الأسود" بيرمز للكهنه ورجال الدين اللي بيتكلموا بإسم الدين ويستغلوه علشان يوصلوا لمصالحهم ودى كانت وسيلته الوحيدة للهروب من الحفرة ،، البطل نفسه "دا بيرمز للشباب اللي عاوز تغيير اللي بيطالب بالعدالة الإجتماعية ما بين كل الطبقات واللي بيعترض وبيحاول يعمل احتجاج وثورة واكيد لكل ثورة ضحاياها " وكان اختياره الكتاب لان الشباب مؤمن ان العلم والثقافه هما اول طرق التغيير وتحقيق العدالة .. الفيلم بيعرض طبيعه البشر البدائية اللي مبتتغيرش حتي لو احنا في عصر تكنولوجيا ، وغريزة البقاء للأقوى ..كانوا بيأكلوا حصص وجبات الناس اللي في الطبقات الأقل ،بل وكمان يبصقوا عليها ويتبرزوا كمان! ..في حين لو كل واحد التزم بحصته وسمح للعدل انه ياخد مجراه والطعام يوصل للطبقات الأقل ،،كانوا هما كمان اخدوا حصصهم لما يحصل تبادل للأدوار كل شهر بعد تخديرهم ،ولكن طبيعه الإنسان الجشعه ونظرته للطبقات الأقل منه مبتتغيرش حتي لو كان هو في يوم من الطبقات دى ،وحتي لو هيجي يوم ويرجع للطبقات دى من تاني "ظُلوم كفار" ..نتيجة لغريزة الجوع في الطبقات السفلي المساجين اضطروا لقتل وأكل جثامين بعض لتحقيق غريزة البقاء للأقوى فعلياً ! زى ما قال الفيلسوف (توماس هوبز) "الإنسان ذئب أخيه الإنسان" ،الإنسان اللي افسد في الأرض وأخل بقوانين الطبيعة واللي أكل لحم اخيه الإنسان التاني ،لو كان ساب العدالة الإلهية تاخد مجراها وقوانين الطبيعه تمشي كما هي ..مكنوش اضطروا لأكل لحوم بعض والأخلال بقوانين الطبيعه ،وظلم الطبقات الأقل.. مبنصحش بيه لأي حد بيقرف ،لأي حد مبيحبش الرعب ، وصغار السن طبعاً .. غير كدا انصح بيه وبشدة لأي حد بيحب الأسقاطات والأفكار اللي غير مباشرة ♥♥

الفكرة هي أنه ، إذا اخذ كل شخص ما يكفي للعيش ، فسيكون هناك الكثير للجميع. لكن هذه ليست الطريقة التي يتصرف بها الناس دائمًا.  عند الازمات الناس تجن وتضرب بعضها واحيانا تصل الى القتل شاهدنا ما حدث بسبب ورق التواليت مؤخرا في العالم 

فكرة تصل ان الناس بها ضرب من الجنون وقد تقدم على امور مستحيلة لعملها مقابل ان تعيش وهذا المعظم وهناك من يريدوا ان يغيروا باي طريقة ممكنة البطل حاول ان يغير وكاد ان ينجح الى وجد الطفلة الصغيرة الذي يدل على تغير العالم والمفهوم يبدا بالاطفال