شرح للبعد الخامس من فيلم (Interstellar)....
 
شرح وافي ومبسط عن كل ما تريد أن تعرفة عن فيلم "Interstellar" واجابة عن كل سؤال ورد في ذهنك.....!!!
في البداية يجب أن تعلم أن كل ما رأيته في الفيلم من مؤثرات بصرية ناتج عن تطبيق معادلات دقيقة جداً في برامج محاكاة حاسوبية لتظهر لك مدى روعة الكون، وإلى ما تمكن الوصول إليه كبار العلماء مثل أينشتاين وهوكينغ وأوبنهايمر والكثير من العلماء غيرهم...!!
 
 
Interstellar كل شي عن فيلم 
 
مشهد البعد الخامس من فيلم "Interstellar"واحد من أعظم المشاهد في تاريخ السينما العالمية، وكان في أسئلة كثيرة عن هذا المشهد وعن الفهم العلمي اللّي وراها وماذا يكون هذا المكان اللّي (كوبر) فيه وكيف كان بيشوف (ميرفي) بنته في كذة زمن في نفس الوقت وكيف وصلّه وهكذا..!!
الفكرة كلّها بتدور حول مفهوم الأبعاد، يعني إيه ..؟
هقولك إنّك لو سحبت ورقة فاضية وقلم ورسمت رسمة لأي جسم الجسم ده كدة ثُنائي الأبعاد زيّه زيّ الورقة ..؟ ليه ..؟ عشان ليه طول وعرض فقط بس ملوش إرتفاع، الورقة ليها سُمك آه اللّي هو يُعتبر الإرتفاع بتاعها بس بما إنّه حاجة ضئيلة أوي فيُمكن تجاهله فتفضل بالنسبة لنا طول وعرض فقط، يعني لو الجسم اللّي إنت رسمتُه دا عايش مش هيقدر يبص غير ورا وقدّام ويمين وشمال فقط، معندوش فوق وتحت وميفهمش أصلًا الكلمتين دول إيه، عشان بعيدًا عن إدراكه، مشفهمش قبل كدة ولا يقدر يتخيّلهم ..!!
طب هل إنت زيّه ..؟ لأ .. إنت كائن ثُلاثي الأبعاد، عشان إنت ليك طول وعرض وإرتفاع، والإرتفاع دا هو البُعد الزيادة اللّي مش موجود عند الجسم المرسوم دا، عشان إنت تقدر تبُص فوق وتحت وفاهم يعني إيه حاجة موجودة فوق وحاجة موجودة تحت، ففالحالة دي إنت قدار إنّك تبُص على الورقة من فوق وتشوفه هو تحت، يعني إنت قادر إنّك تُدرك البُعد التالت المجهول بالنسبة له فبالتالي هو ميقدرش يُدركه ولا يتخيّله، ولو حكيتله عليه مش هيقدر يتخيّله، ليه ..؟ عشان مشافوش قبل كدة ولا عُمره هيقدر يشوفه عشان هو محكوم بأبعاد العالم اللّي هو محبوس فيه، اللّي هو إيه ..؟ اللّي هو الورقة ثُنائية الأبعاد ..
 

فيلم واقع بين النجوم

.
طب لو وإنت واقف كدة وحرّكت كف إيدك فوقيه ..؟ إحنا اتفقنا إنه مش هيقدر يرفع راسُه ويبص لـ (فوق)، صح ..؟ عشان معندوش المُصطلح بتاع (فوق) دا أصلًا، بس لمّا تعدّي إيدك فوقيه هتعمل ظل بيمُر عليه، إيدك هتمنع الضوء الساقط عليه فهتكوّن ظل اللّي في الحالة دي هيكون هو المسقط ثُنائي الأبعاد لإيدك ثُلاثية الأبعاد، يعني لمّا يشوف الظل دا هيفتكر إن دا مُجرّد جسم ثُنائي الأبعاد زيّه بالظبط ومش هيقدر يستوعب إنّه مجرد (ظل) لجسم تاني ثُلاثي الأبعاد، مش هيقدر يستوعب إن كف إيدك دا في عالم تاني ثُلاثي الأبعاد مُختلف عن عالمه، ليه ..؟ عشان زيّ ما اتفقنا ميعرفش يعني إيه بُعد تالت يُمكن ان حد يتحرّك فيه ألا وهو الإرتفاع فمهما شرحتلُه هيحاول يتخيّل، مش هيقدر، هيعرف إن في بُعد تالت بس مش هيقدر يشوفه ولا يتحكّم فيه ..
لو فهمت اللّي فوق دا يبقى فهمت الفكرة كلها ..
إحنا إتّفقنا إن إنت كائن ثلاثي الأبعاد صح ..؟ هو صح نوعًا ما، عشان إنت كائن ثُلاثي الأبعاد فعلًا بس دا من ناحية المساحة فقط، عشان مع تطوّر المفاهيم العلمية وفهمنا للكون من حوالينا أدركنا إنّ إحنا كائنات لينا بُعد رابع، اللّي هو إيه ..؟ اللّي هو الزمن، يعني إنت في لحظة قرائتك لهذه السطور ليك طول وعرض وإرتفاع تمام، بس موجود بيهم التلاتة في نُقطة معينة من الزمن، إنت مُدرك إن في زمن، عارف إن الساعة دلوقتي كذة، وإن بُكرة دا يوم كذة، وإن مرّ عليك عدد كذة من السنين، عارف دا كويس وفاهم، بس هل تقدر تكبّر نفسك ..؟ تصغّر نفسك ..؟ ترجع بالزمن ..؟ تشوف حد تاني وهو صغيّر ..؟ لأ .. إنت مُدرك للبُعد الرابع دا بس مش قادر تتخيلُه ولا تتحكّم فيه ..
.
فزيّ ما انت رسمت الجسم على ورقة إنت أصبحت بالنسبة له (كائن تمتلك صلاحية غير موجوده عنده) يعني عندك قُدرة أعلى منّه، عشان إنت موجود في الكوان دا ببُعد زيادة عنه تقدر تتحرّك فيه ودا نتيجة للعالم ثُلاثي الأبعاد اللّي إنت فيه مٌقارنةً بالعالم ثُنائي الأبعاد اللّي هو فيه اللّي هو الورقة، يعني الجسم دا لو عايش زيّ ما قُلنا مش هيشوفك آه، بس هيشوف تأثيرك وهيعرف إن في كائنات تانية أعلى وأسمى منّه بتراقبُه وتقدر تتدخّل في حياتُه وإن إدراكُه مش قادر يوصل للعالم بتاعهم ..
.
طب إيه اللّي يمنع إنّنا نحُط نفسنا مكان الجسم المرسوم ونطبّق علينا إحنا بقى ..؟
.
إيه اللّي يمنع وجود كائنات متطورة وأسمى مننا موجودين في عالم عندهم فيه بُعد أزيد منّنا وبيبصّوا علينا منّه ..؟
.
يعني الكائنات دي - واللّي اسمهم Bulk Beings - الزمن بتاعنا بالنسبة لهم زيّ الإرتفاع بتاع الجسم المرسوم بالنسبة لنا، إحنا موجودين في عالم نقدر نتحكّم في الإرتفاع فيه ونتحرّك فوق وتحت، والكائنات دي موجودة في عالم يقدروا فيه يتحكّموا في الزمن اللّي هو بُعد عادي عندهم، فبيقدروا يتحرّكوا فيه ذهابًا وإيابًا، يعني للماضي والمُستقبل، يعني يقدروا يشوفوا خط الزمن كله (من الفوق بتاعهم) وينقّوا النُقطة اللّي يبصّوا عليها ويأثروا فيها في أي لحظة، يعني مش مُجرّد إتجاه واحد زيّ عندنا فقط ماشي للُمستقبل، بنتولد ونكبر ونموت بدون أي تحكّم مننا فيه ..
.
طب ليه إنت مش قادر تتخيّل دا ..؟ عشان إنت زيّك زيّ الجسم المرسوم اللّي معندوش إدراك للبُعد التالت، زيّ ما هو ميقدرش يبُص فوق بالرغم من إنك قولتله إن في حاجة اسمها فوق، إلّا إنّه مش قادر يتخيّل شكل فوق دا عامل إزّاي أصلًا .. إنت كمان معندكش إدراك البُعد الرابع دا، اللّي هو الزمن، آه عارف إن في حاجة زمن وبتقدر تقيسُه بس متقدرش تتحكّم فيه ولا تتحرّك فيه فطبيعتُه معدّتش عليك قبل كدة ولا جُزء من إدراكُك ..
.
طوّلنا شوية ..؟ معلش، عشان تفهم الحتّة اللّي جايّة دي ببساطة ..
.
المكان اللّي فيه (كوبر) فالفيلم دا هو مكان يُدعى Tesseract ويُمكن ترجمته بشكل مُبسّط كدة بالـ (مُثمّن)، طب دا إيه ومين اللّي عمله وليه ..؟
.
هنبدأ بمين اللّي عمله، واللّي من وجهة نظر الفيلم اللّي بتتشارك في الأسُس العلمية مع النظريات المطروحة هم (كائنات متطورة أو بشر لديهم تكنولوجيا متطورة ) عنّنا، زيّ ما قولتلك فوق، كائنات في عالم فيه بُعد زيادة عنّنا، أو عندهم تقدّم علمي مهول إدّاهم القُدرة إنهم يوصلوا لبُعد أعلى منّنا، طب إحنا إتّفقنا إننا كائنات رُباعية الأبعاد - بعد إضافة بُعد الزمن - فيبقى هم في بُعد خامس مجهول لينا ..
.
إيه هو البُعد الخامس دا ..؟ محدش يعرف، ليه ..؟ عشان حاجة خارجة عن إدراكنا وخيالنا زيّ بالظبط (الإرتفاع) بالنسبة للجسم اللّي إنت رسمته، آه هو بقى عارف إن في بُعد اسمه (إرتفاع) بس هل هيقدر يشوفه ..؟ لأ، هل هيقدر يتحرّك فيه ..؟ لأ، إحنا نقدر ..؟ آه عشان إحنا في عالم البُعد دا موجود فيه عادي، يعني نقدر نتحكّم فيه ..؟ آه، بنقدر نطلع وننزل ونرفع عينينا فوق ونبًص تحت ونركب طيّارة نطلع بيها فوق وغوّاصة ننزل بيها تحت ..
.
الكائنات المتطورة دي في بُعد خامس فيقدروا إنّهم يتحكّموا في الأبعاد الأقل بما فيهم البُعد الرابع بتاعنا اللّي هو إيه ..؟ اللّي هو الزمن، فبالنسبة لهم الزمن مش خط مُستقيم زيّ بالنسبة لنا، لأ، بالنسبة لهم الزمن متجسّم زيّه زيّ الطول والعرض والإرتفاع، تخيّله عبارة عن مبنى هائل هم يقدروا يتحرّكوا فيه بحُريّة، مبنى مليان أبواب وكل باب بيودّي على زمن ما ..
.
طب الكائنات دي من موقعها دا بتقدر تشوف المُستقبل، صح ..؟ صح، اللّي هو مُستقبلنا وعليها قدروا إنّهم يعرفوا بالكارثة اللّي كانت بتُهدّد البشرية من إضمحلال لمحاصيل والكوكب بيتداعى وهكذا، وكانوا عايزين يتواصل معانا يحذّرونا، وطبعًا على ما (كوبر) كان خرج من كوكب الأرض عشان يستكشف الكواكب الصالحة للحياة كان الزمن - اللّي هو بالنسبة لنا خط مُستقيم - عدّى ومش هيقدر هو يعمل حاجة، فكان الحل في إيد بنته (ميرف) وكان لازم هو يوصلّها ويقولّها إن الحل كلّه في (الجاذبية) عشان تكمّل المُعادلة الناقصة ..
.
طب هيخلّوه يوصلّها إزّاي ..؟
.
عن طريق إنّهم يخلّوا (كوبر) يبقى ليه القدرة هو كمان على الحركة في بُعد الزمن والدخول والخروج منّه، أيوة إزّاي وهو كائن رُباعي الأبعاد ميقدرش يُدرك الزمن زيّهم، وزيّ ما الجسم المرسوم ما مكنش قادر يستوعب الإرتفاع، فكان لازم يتصرّفوا في حل، ودا كان حل بناء الـ Tesseract دا، ودي إجابة سؤال لازمته إيه ..
.
فاضل إنّك تعرف إيه هو ..؟
.
الـ Tesseract هو بكل بُساطة مكان - تخيّلي من وجهة نظر المُخرج والعلم - واللّي الكائنات دي بنتُه جوّا الثُقب الأسود (جرجانتشوا) عشان دا المكان ذو الجاذبية الأعظم في الكون، والمكان دا هو تمثيل للبُعد الرابع من وجهة نظر الكائنات خُماسية الأبعاد دي واللّي فيه تقدر الكائنات رُباعية الأبعاد زيّنا إنها تُدركه وتتحرّك فيه، فاكر لمّا قولتلك إن الزمن بالنسبة للكائنات دي مُجسّم زيّه زيّ الأبعاد التلاتة التانيين ..؟
.
هو دا كان قصدي، الـ Tesseract هنا ما هو إلّا تجسيم الزمن من وجهة نظرهم عشان إحنا ككائنات أقل منهم في المُستوى نفهمه ونتحرّك فيه .. أكنّك بقى ليك القُدرة إنك تسحب الجسم اللّي رسمتُه برّة الورقة تخليّه ثُلاثي أبعاد هو كمان، هينبهر وهيفتح عينه مش مصدق وهيحرّك راسه فوق وتحت في كل الإتجاهات وهو بيحاول يختبر البُعد الجديد دا إيه ..!
.
ولو رجع تاني للورقة ثُنائية الأبعاد وحاول يشرح اللّي شافه لجسم اخر، تفتكر هيعرف ..؟ لأ، عشان مش هيلاقي مُصطلحات تساعده، فولا هو هيقدر يوصف ولا الحسم الاخر هيعرف يتخيّل .. زيّ ما إنت ما مش قادر تتخيّل بُعد الزمن بالظبط ..
.
المُهم إن لمّا الكائنات دي أنقذت (كوبر) من الثُقب الأسود بعلومه المُتقدمة من إنّه ينسحق تحت تأثير الجاذبية المهولة فيه، سحبوه على الـ Tesseract دا عشان يبقى عنده القُدرة إنّه يشوف كل نقاط الماضي والحاضر زيّهم فيقدر يبعت رسالة لبنته (ميرف) واختار المكتبة بتاعة بيته عشان (ميرف) كانت بتقضي فيها وقت كبير، فحاول أكتر من مرّة إنّه يوصلّها بس الموضوع صعب عشان هو مش في نفس عالمها فمش هتفهم، فاكر لمّا إنت حرّكت إيدك فوق الولد المرسوم ..؟ هل كان فاهم إيدك ..؟ لأ، كان شايفها ..؟ لأ، شاف ضلّها بس، اللّي هو المسقط ثُنائي الأبعاد ليها ..
.
نفس اللّي حصل بالظبط ..
.
(كوبر) بقى عنده القُدرة يشوف الماضي فحاول يتواصل مع (ميرف) وهي لسّه صغيّرة عشان يبعتلها رسالة من 4 حروف بس في شكل لعبه في عقارب الساعة على الرف، حروف كلمة (S T A Y) يعني (ابق) اللّي هو عايزها تمنعه من الخروج في الرحلة دي ويفضل معاها، بس تدخلّه دا عشان جاي من عالم تاني مقدرش يوصلّه بالشكل المطلوب فعمل حاجات تبدو غير مفهومة اللّي هي أطلقوا عليها في الفيلم Anomaly اللّي هي اللعب بالجاذبية من إسقاط الكتب على الأرض أو اللعب بالتُراب بشكل غير مفهوم عشان تفهم هي لمّا تكبر إن اللعبة كلّها وحل المُعادلة في .. الجاذبية .. واللّي (كوبر) قدر يوصلّه من تحليل بيانات الثُقب الأسود اللّي مرّ من خلاله ..
.
وبما إن (كوبر) كان في عالم أبعادُه مُختلفة وحاول يتواصل مع عالمنا العادي، مكنش قادر يتواصل بحالته الجديدة بقى اللّي بالخمس أبعاد فقدر إنّه يوصل بطريقة تانية على حسب ما هو محكوم بقواعد عالمنا إحنا، زيّ ما إنت لمّا حرّكت إيدك فوق الجسم، إيدك فقدت بُعد الإرتفاع وظهرت ثُنائية الأبعاد فقط فالجسم قدر يشوف ضلّها ويفهم إن في حاجة تانية غير مفهومة ليه ولكّنها موجودة خارج نطاق إدراكه ..
.
حاولت أبقى مُبسّط على قد ما أقدر وعلى قدر المستطاع فأتمنى أكون وفقّت في توصيل المعلومة عن البعد الخامس...
بعض المغالطات التي قد يواجهها البعض:
 
 

من صنع الثقب الدودي؟

 
إن من صنع الثقب الدودي هم البشر في المستقبل البعيد الذين يمتلكون حضارة متطورة وتكنولوجيا كبيرة ويتم ذلك بعد أن تتطور حضارتنا للوصول إلى حضارة من النوع الثاني او كائنات متطورة وتم صنع الثقب الدودي المتواجد بجانب كوكب زحل، حيث تستغرق الرحلة سنتين (8 أشهر للوصول للمريخ +14 شهرا للوصول لزحل).
الدخول في الثقب الدودي والوصول إلى المجرة المنشودة التي تبعد 10 مليار سنة ضوئية (المسافة التي سيقطعها فوتون بسرعة الضوء من دون الدخول في الثقب الدودي).
كيف يمكن لشيء موجود في الحاضر أن يكون المسبب لأحداث موجود في المستقبل؟
هذا يسمى بالمفارقة الوجودية أو مفارقة ”بوتستراب“، في هذه المفارقة، تؤدي عودة أشخاص أو معلومات أو أشياء إلى الماضي لحدوث حلقة غير منتهية من الأحداث دون معرفة أصل الحدث الأول كما هو الحال في مسلسل (Dark) ، ويبقى هذا ”الشيء“ موجوداً رغم عدم معرفة كيفية وصوله إلى الوجود أو من قام به في المقام الأول
على سبيل المثال، أن يقوم مسافرٌ عبر الزمن بأخذ مخطوطة رياضيّة والعودة إلى الماضي، ليلتقي بكاتب المخطوطة نفسها لكن قبل أن يقوم بكتابتها فعلًا، ويقدّم له هذه المخطوطة، ثم يقوم الكاتب الرياضيّ بنشرها في المستقبل، في هذه الحالة من كتب المخطوطة فعلًا؟
وقد استمد ”نولان“ و”ثورن“ الفكرة من فكرة هذه الصورة، فلو فرضنا وجود ثقب دودي هنا على كوكب الأرض يربط بين منطقتين مختلفتين فإنه سيبدو كما في هذه الصورة، أي ستظهر في كل بوابة للثقب صورة العالم الذي ستصل إليه هذه البوابة.
وبالطبع نحن في الوقت الحالي لا نستطيع أن نقوم بخلقه، ومن يستطيع أن يقوم بخلقه هو حضارات من النوع الثاني أو الثالث التي تملك من الطاقة ما يكفي لصنع ثقب دودي
لماذا الساعة الواحدة على كوكب ”ميلر“ تساوي سبع سنوات على كوكب الأرض؟
 

كوكب ميلر 

 
إن كوكب ”ميلر“ موجود ضمن النطاق المشوه لنسيج الزمكان بفعل ثقب أسود هائل ذو كتلة أكبر من الشمس بـ100 مليون مرة، وبالإضافة لسرعة دورانه حول نفسه البالغة 99% من سرعة الضوء، هذا يعني أن البقاء عليه لمدة 3 ساعات و20 دقيقة تساوي 7 سنوات و4 أشهر بالنسبة لكوكب الأرض، وكذلك الأمر بالنسبة لمركبة ”الاندورانس“ الموجودة خارج نطاق النسيج غير المشوه، أي خارج نطاق الثقب. (أي إن الوقت نسبي ويختلف عندما يتم تشويه نسيج الزمكان إما نتيجة الكتل الكبيرة والكثافة العالية أو السرعات العالية جداً)
 

Interstellar تفسير فيلم 

 
كيف لموجات المياة الكبيرة على كوكب ”ميلر“ أن تتشكل؟
نحن نعلم أن ما يسبب قوى المد والجزر على كوكبنا الأرض هو التأثيرات المجتمعة لقوى جاذبية القمر والشمس ودوران الأرض حول محورها (قوة الطرد المركزية)
لكن ماذا لو كانت الجاذبية المؤثرة على كوكب الأرض هي جاذبية ثقب أسود بحجم كوكب صغير؟ فإن هذه الموجات سوف تكون كبيرة وكافية لتمزيق الكوكب الموجود بقربها. أما بالنسبة للثقب الأسود الهائل الموجود في الفيلم سوف تكون موجات المد والجزر كبيرة ولكنها لن تكون ذات تأثير قوي مثل الثقوب السوداء الصغيرة. ونتيجة لموجات المد والجزر الذي يسببها الثقب تتشكل هذه الموجات الكبيرة وما يفسر أيضاً انخفاض منسوب المياه في هذا الكوكب
كيف تتواصل ناسا مع المركبة في مجرة أخرى بعيدة هذا البعد؟
تساءل الكثير عن كيفية التواصل مع رواد الفضاء في مجرة ثانية، التواصل في الفضاء يتم عن طريق موجات الراديو وكما ذكر في الفيلم يوجد جهاز مستقبل في بداية الثقب الدودي في مجرتنا وجهاز مستقبل آخر في نهاية الثقب في المجرة الثانية، ويتم تناقل الموجات بينهما
لماذا توقف الإرسال إلى ”إيميليا“ عندما دخل كوبر في اثقب الأسود؟
لأن جاذبية الثقب الأسود تقوم بسحب موجات الراديو التي يرسلها كوبر إلى ”أميليا“
مفارقة وجودية أخرى في الفيلم مع معرفة المسبب والذي أدى بدوره إلى إغلاق ”التسراكت“ أو الفضاء الخماسي الأبعاد
إن ذهب كوبر فعلا إلى الثقب الأسود وتواصل مع ابنته من داخل الثقب فيجب عليه أولا الذهاب في هذه الرحلة، فلو استجاب كوبر لابنته عندما طلبت منه عدم الذهاب لما استطاع التواصل مع ابنته ولما حصل التأثير الشبحي في الغرفة، وبالتالي لن يتمكنوا من معرفة إحداثيات وكالة ناسا وبقيت الحلقة مفتوحة، ولكنه قام بالتواصل مع ابنته وقام بإرسال البيانات الكمية إلى ابنته بواسطة عقرب الثواني في الساعة، وإن البيانات محملة على هذه الساعة منذ بداية الحلقة أي منذ أن كانت مورف في سن العاشرة، إلى أن أتت ابنته مورف في عمر الـ35 لتستنتج أن أباها كان الشبح وأن الساعة تهتز لتعطي البيانات الكمية بواسطة شيفرة”مورس“.
ما يعني أن الحلقة بدأت في وقت واحد، وأغلقت في زمانين مختلفين، فقد أغلقت الحلقة بالنسبة لمورف في سن الـ35، وبالنسبة لكوبر عندما انتهى من إرسال البيانات الكمية أي بعد 50 عام على الأقل من اكتشاف مورف للحل
إن اللقطات التي عرضت في الفيلم لمورف ذات الـ35 عام أثناء تواجد كوبر في الثقب تبين لنا أن هذان الحدثان متزامنان ولكن في الحقيقة أنه يوجد فرق خمسين عام بين الحدثين. والجدير بالذكر أن شيفرة مورس تكون على شكل (._.._…_)
البيانات المرسلة بالصيغة الثنائية التي استخدمها كوبر لنقل إحداثيات وكالة ناسا تكون على شكل (011 001)
كيف تمكن كوبر من العودة إلى مجرة درب التبانة؟
بعد أن أغلقت الحلقة قام البشر من المستقبل بعد إغلاق ”التسراكت“ بإخراجه من الثقب الأسود ووضعه في ثقب دودي آخر يؤدي به إلى مكان بالقرب من كوكب زحل لتعثر محطة كوبر الكبيرة عليه يطفو في الفضاء
لماذا محطة ”كوبر“ الكبيرة في نهاية الفيلم مدورة والجاذبية فيها بكل الاتجاهات؟
لأنها مزودة أيضا بمركبة شبيهة بالاندورانس تقوم بالدوران حول محور ثابت لتقوم بتوليد قوة الطرد المركزي من أجل تأمين الجاذبية، وبالطبع سوف تكون هذه الجاذبية بجميع الاتجاهات. وكما ذُكر في الانفوغراف، الجسم البشري غير معتاد على فقدان الجاذبية لوقت طويل...!!!
هل يمكن النجاة عند السقوط في الثقب الأسود؟
بالنسبة لثقب أسود بحجم كوكب صغير فإن هذا غير ممكن نتيجة قوة المد والجزر التي تكون فيه كبيرة جداً والتي ستقوم بتمزيقك إلى أشلاء، أما بالنسبة لثقب أسود بكتلة أكبر من الشمس بـ100 مليون مرة فإن موجات المد والجزر في نطاقه ستكون ضعيفة، وبالتالي إذا قمت بالحسابات المناسبة وقمت بالنزول مباشرة إلى التفرد من دون أن تمس أفق الحدث فإنه من الممكن أن تبقى حياً..!!!
ما هو سبب حركة نسيج الزمكان الغريبة المحيطة بالثقوب السوداء والدودية؟
إن هذا لا يتعلق فقط بالثقوب السوداء والدودية إنما يحصل أيضاً بالنسبة للشمس والأرض، وهو ما يسمى بـ”عدسة الزمكان“ أي أن وجود شيء بكتلة كبيرة سيقوم بتشويه نسيج الزمكان، وأيضاً سيقوم بتشويه وثني الضوء معه، أي عندما ننظر إلى نجم بعيد بجانب الشمس فإن ما نراه هو الضوء المثني لذلك النجم...!!
 

بين النجوم فريق التمثيل 

 
إلين بورستين ... مورف (أقدم)
ماثيو ماكونهي ماثيو ماكونهي ... كوبر
ماكنزي فوي ماكنزي فوي ... مورف (10 سنوات)
جون ليثجو جون ليثجو ... دونالد
Timothée Chalamet Timothée Chalamet ... Tom (15 عامًا)
David Oyelowo David Oyelowo ... مدير المدرسة
كوليت وولف كوليت وولف ... السيدة هانلي
فرانسيس العاشر مكارثي فرانسيس العاشر مكارثي ... أحذية (مثل فرانسيس كزافييه مكارثي)
بيل إيروين بيل إيروين ... تارس (صوت)
آن هاثاواي آن هاثاواي ...
أندرو بوربا أندرو بوربا ... سميث
ويس بنتلي ويس بنتلي ... دويل
وليام ديفان وليام ديفان ... وليامز
مايكل كين مايكل كين ... أستاذ براند
ديفيد جياسي ديفيد جياسي ... روميلي
 
 
 

جوائز بين النجوم


جائزة الأوسكار لأفضل مؤثرات بصرية
2015 · بول جيه فرانكلين ، أندرو لوكلي ، سكوت آر فيشر ، ...
جائزة Empire لأفضل فيلم
2015
جائزة فيلم اختيار النقاد لأفضل فيلم خيال علمي / رعب
2015
جائزة BAFTA لأفضل مؤثرات بصرية خاصة
2015 · بول جيه فرانكلين ، أندرو لوكلي ، سكوت آر فيشر ، ...
جائزة اختيار النقاد MVP
2015 · جيسيكا شاستين
جائزة Empire لأفضل مخرج
2015 · كريستوفر نولان